منتدى فتيات | زواج اسلامي | العاب فلاش | فتيات | العاب فلاش للبنات | زواج | العاب | منتدى
آه يا بلد | ||||||||||||||||||||||||||||||||||||||||||||||||||
ياريتنى كنت حمار
تنزل دموعى أنهار على ولدى عبد الستار وبدعيله باستمرار ما يكونش من الشطار يروح يبيع خضار ولا يدق له مسمار أو حتى يحشى ممبار بس مايقعدش محتار ويتعلم ويبقى حمار زى أبوه عبد الغفار زمن العلم فيه طار والجهل بقى فيه جبار مالى كل الآبار ومرعرع فى الديار والكلمة بقت للدولار وعمار يا مصر عمار أمتى تنفضى العفار وترحمينا من الدمار يسترها عليك يا عبد الستار وعليكى يا أم منار ويعوض عليك يا عبد الغفار ياريتك طلعت حمار وما كنتش من الشطار
تعالى يا ابن سنيه وانت يا بنت بهيه احكيلكوا عن العيلة ديه
تعالي يا ابن سنية ونتي يا بنت بهية احكيلكوا عن العيلة ديه دي واضحة وقوية وكلها شفافية وعلي الخلق مفترية وعلينا عاملين رباطية شيبت والله الصبية وقلبت الراجل ولية من صحة لتعليم لمالية الخيبة بقت قوية محتاجةخطة جهنمية مش عايزة سلامة نية بس آه لو وقفة قوية ويسترها علينا انا وانت وهي بدل ما نموت في البلد ديه وصدقني يا ابني مالكش دية اصل دول ولاد جنية ده غرق تحت الحنفية ولا فطس في البطانية او موتوه البلطجية طب حد قاله ياكل ملوخية ويلعب مع بتوع المهلبية صدقني يا ابن سنية وانتي يا بنت بهية مابقتش ليك وليا دي بقت للعيلة ديه تعالى يا ابن سنيه وانت يا بنت بهيه احكيلكوا عن العيله ديه
{ 07:36, 2009/11/4 }
{ التعليقات 1 }
{ رابط }
علشانك انت {3}
شعارنا وراك وراك لغاية ما ناخد اللى معاك ما احنا كلنا فداك وان خلص اللى معاك راح تاخد على قفاك ما احنا ناس على هواك ما وراناش غير الهلاك امال فاكرنا ملاك لا ده احنا ملاك اى من زوى الاملاك يعنى هات اللى معاك يا أحمد ويا ابن ملاك
علشانك انت {2}
علشانك انت لمينا الفلوس ومن عرقك ملينا الكوؤس وخيرك اهه اكله السوس وخلاص كسرنا الفوؤس وقريب هاتنور بفانوس وتعيش عيشة الجاموس فاهم يا عم فانوس ده احنا ولا الهكسوس وعلى الناس بندوس ها تعمل ايه يا متعوس فاكر ها تتساوى الروؤس حا تفضل دايما موكوس واحد من ضعاف النفوس قاعد لينا زى الكابوس
علشانك انت
علشانك انت بعنا واشترينا واللي ليك اخدناه لينا هات اللي معاك وادينا كله مش خسارة فينا ما احنا ورثة الملك مينا شعارنا هات وادينا ده كل حاجة لينا وانتو برضه مننا وعلينا نبقي نشوفكو بحتة جبنة قديمة بس ادعولنا ربنا يخلينا وما تدعوش علي اهالينا والمركب اهي علي المينا لما نخلص عليكو مستنينا فاهمين يا ولاد الحزينة حمال الآسية
كان عندي كام جلابية وشقة علي أد رجلية وكمان حتة عربية وكانت ماشية العملية وابتدت تديق شوية وتعبت انا والولية قمت بايع العربية وشوية شوية بعت كمان الجلابية قلت يمكن تنصلح العملية سنة والتانية وخربت الدنيا ومديت ايديا لده شوية ولده شوية شوفتوا اللي بيجري ليا بقي هي دي الديموقراتية هي دي الأخلاق المصرية اصحوا يا بتوع المالية وكفاياكم فينا آزية ولا عاوزينا نبقي حرامية علشان نبقي مية مية دي حكومة انما ايه تسرق منك الجنيه لاء وتاخد ضريبة عليه شوفتوا الهنا اللي انا فيه هو فيه ايه الناس ساكتة ليه اتعودوا ولا ايه يتحكم فيهم كام بيه علشان يديهم كام جنيه طب دول يعملوا ايه نصيحة وخدها من اخوك نزيه كفاية اللي احنا فيه ويلا يا مصري وانت يا مصرية نروح نموتلنا شوية لحد ما تعدي العملية ويتغير الناس ديا وسلام ليك وليا يا مصري يا حمال الآسية
رؤية مستقبلية ليك وليا ، ونظرة محلية علي اللي بيجري فيا
خير اللهم اجعله خير حلمت حلم كبير وقلبي مرفرف زي الطير شاكلي ها ترقي وابقي غفير أو واحد من الخنازير اللي علي المناصب بتطير وعلي الكرسي بيطلع الزفير وعلي الشعب يشتغل الزمير أيوة يا معالي الو......... سيبك من القال والقيل ده وقتك فيها قليل ويمكن ما تشوفش الليل ولا تترمي في النيل الحق قبل الحظ ما يميل وترجع تاني للعويل يعني ها تاخد اكليل انهب منها كتير وقليل وافرح وفرفش بالليل وغيرك شايف الويل ابسط يا معالي الو......... سيبك من الناس الغلابه يولعوا مع بعضهم في الغابه هو حد دريان بحاجه وشهيص يا معالي الو......... شويه معارف علي علاقات تكسب قصور وعربيات وانسي بقي اللي فات وسيبك من الشعب اللي مات دول شويه حشرات من لحم حمير لأنفلوانزا خنازير لناس بتسرق وتطير والله ما لكش نظير منور يا عم الأمير طب والضمير يا راجل يا أمير ده انت بيه خبير لو كان فيه خير ما كان رماه الطير يا عم تصبح علي خير والشعب الكتير ليه رب كبير في رثائك يا بلادي
شايفكوا من بعيد يا ولادي قاعدين وسط النادي والعود الأخضر النادي بيهفهف عليكي يا بلادي وبالحريه عمال ينادي مشوار وكنت فيه البادي وها تكملوه انتو واحفادي عيني عليكو يا ولادي كتروا حواليكو الأعادي وده فيكي يا بلادي الوضع العادي قاوم ياابني وخليك هادي وينصرك انت وبلادي في مديح مراتي سنية بنت المؤزية
ناس رايحه وجايه وايم وسنين معديه وانا لا بيا ولا عليا في يوم بصيت حواليا الله مين ديا آه دي الوليه وش الأزيه مراتي سنيه شيبتني وكان بدر ي عليا كانت فين عينيا قالولي دى هديه وطلعت رزيه جبارة وقوية وتموت في الأسيه طب مالها الحنيه يا ست سنيه ولا انتي وخداني مالية هاتلي ده وهاتلي ديا ارحمي بقي يا وليه ده انا مش شايلاني رجليه وتعبت من مد ايديا خفي بقي يا مفتريه انشالله تفطسي في حلة ملوخية حكايه مني وحسين
ليها نفس النهايه فرح وأمل في البدايه وخراب وفشل في النهايه حبوا بعض شهرين واتخطبوا سنتين وجه اليوم الحزين واتجوز مني وحسين شهر واتنين وهما مبسوطين واكلين وشاربين ونايمين فرحانين وهوبه شرف الحزين وسموه أمين وتعالي يا ابو أمين وروح ياأبو أمين وما تنساش عايزين وعايزين وحاضر يا ام أمين ربنا يخليكو انتو الأتنين سنه واتنين انا حامل يا ابو أمين وهوبه شرفت الست ياسمين وبرضه عايزين وعايزين وحاضر يا ام ياسمين يادي الليله الطين ده دوا وفيتامين وده عسل ومربه تين وحاضر يا ام ياسمين وتعدي السنين وعايزين وعايزين طب اجيب منين ده المرتب يدوب يومين والباقي كله سلف ودين والاانتو مش دريانين ارحميني يا ام ياسمين طب ما احنا محتاجين سافرلك يومين ولا حتي سنتين وها استحمل انا والأتنين بعدك عننا يا ابو أمين وكله يهون وتعدي السنين سافر الجدع وبقي من الغايبين سنه واتنين وبقيو سنين عايشين وشاكرين وطول ابو الاتنين وزهقت وسرحت ام ياسمين وتاهت ياسمين مع التايهين وانضم أمين للشمامين وضاعت عيلة عمك حسين ودي حكايه مني وحسين وفيه زيها ملايين طب الغلط فين والزنب زنب مين ارحمونا يا معلمين يا مجوعين الملايين ينتقم منكم قولوا أمين الطابور
سأل الواد ابوه مندور ليه كل حاجة عليها طابور بص يا واد يا غندور اوعي يجي عليك الدور وتبقي في يوم مشهور وتنسي امك والوابور وانك كنت ببربور وتوقف الناس طابور ده بيسموه غرور فهمت يا غندور نصيحة وخدها من ابوك مندور ده الشغب مش ناقصه طابور ولو هاج ها يبقي ولا الوابور ولدعه ولا الدبور فاهم يا فرفور الرحمه يا بلدي
الرحمه يا بلدي الرحمه شويه يا بلدي ده فيكي طالع ولدي لسه عرقه مندي وعيني عليك يا ولدي ياما ها تقابل وتشوف اوعي يدب في قلبك خوف لحسن تعيش زي الخروف زى مئات الألوف ميم ونون ويه دي حروف من عرقك واخده الوف ويعاملوك زي الحلوف اصبر يا ولدي وقت وها يعدي ويدك بيدي ها نعبر وبعدي بس الرحمه يا بلدي الرحمه علي ولدي سلام يا حكومه السلام
سلام يا حكومه السلام سلام يا حكومه السلام يا مشبعانه اوهام والله معاكي بقينا ايتام تايهين وسط الزحام لاعارفين الساعه كام ولا قادرين ننام حرمتينا حتي الأحلام بقي بالزمه ده كلام بقي انت حكومه سلام الله يزيلك من الدوام ويرحمك يا عم امام انت والست هيام كان ليكم في الدنيا احلام ضاعت مع حكومه السلام طب سين سوأل عاجبك الحال والعيشه اللي بقت محال ما فاضلش غير السروال او نبيع العيال او...الحل المحال ترحلي وتسيبي المجال انت ورجال الأعمال يمكن ينصلح الحال وتحلو الأيام ويتحقق حلم من الأحلام وسلام يا حكومه السلام سلام من غير ختام
عيلة مدرسه الاحباط
عيله مدرسه الأحباط ده مرسي دايما قاعد علي الكرسي وده يسري ورا النسوان بيجري وجمال علي أد الحال بيجري ورا رزق العيال وده استاز عاطف مع العيال متعاطف ولا مدام عواطف فاكرة الرجاله مقاطف وعندك عبد الحميد قاعد يخبط في الحديد ورمضان مستني العيد والله يرحمك يا عم عيد وخد كمان عمك نبيل شغال من الصبح لليل وعيني عليك يا اميل الحظ معاك بيميل ولا عمك عوض عليه العوض سايق علي طول العوج ومسعد اخلاص وأدب مش زي عمك رجب دايما في محل الأدب ولا صبحي لأموأخزة يا عيني مالوش لازمة وتملي فرحان بالجزمة وخلف وايامه السوده يا عيني من حماته جاتله دوده ويا سلام علي سيد أنا يا دنيا مافيش الا أنا أصله لسه جاي من قنا اما هاني وفوزي و سهير فاكرين في الدنيا خير وخايفين علي الفلوس لاتطير وكله كوم وأحمد ابو النوم مقضيها نوم من اول لأخر اليوم ولا اسامه ظريف فاكر نفسه خفيف الطف بينا يا لطيف وعمك مدحت زكي اللي عامل نفسه زكي ولا عادل التاكسجي والله ولا العربجي ويا عيني علي احمد زين اللي عايش حياته بالدين اما عمك عمارة واخد الدنيا شطارة فاكر نفسه في الحارة ودي عيله من الف حاله في مدرسه الأحباط شغاله والله حالتهم بقت حاله وعيشتهم بقت محاله
لضرب في الأموات
الضرب في الأموات شوارع ومرور و عربيات وبشر وزحمه واشارات تايهين وسط الحارات وهايهات كل اللي يشوفك يقولك هات حتي مراتي عنايات غويه خضار ولحمه وحاجات ولا بقي امها عدلات ليها كمان محتاجات والله تعبت طلبات وحرام الضرب في الأموات وهايهات ودي الست عقارات هاريانا كل يوم قرارات وهي مقضيه الأوقات تلعب علي الكمنجات وتقسم علي الشعب اللي مات وهايهات ودي الست جمالات محتاسه في الطرقات ما بين الثانوي والجامعات ولا كمان الامتحانات اسئلة مالهاش اجابات وضاع الولاد والبنات وهايهات وده الواد فرحات ابن بنت ام شفاعات كبر وبقي من البهوات وبيتحكم في المخلوقات باللابتوب والكمبيوترات عايز يقلد الخواجات وناسي ان احنا اموات وهايهات ودي الست تايهات فرحانه في كل المناسبات لاداريه باللي جاي ولا اللي فات فالحه تورد في خدامات للدعارة بره عاملات والله دوختنا الدوامات واتهرينا اهانات كفايه بقي شغل اموات قوم وعلي الآهات يمكن تلاقي اجابات ترحمنا من الجايات وهايهات كلمه وقالها ابن آيات قبل ما يبقي من الأموات واحد من مصر
واحد من مصر سلام يا غاليه يا مصر يا ست كل عصر وتعيشي من نصر لنصر تحيه طيبه وبعد دي حكايه عم نصر واحد من شعبك يا مصر بيتعصر فيكي عصر من الفجر لبعد العصر وعايش يدوبك علي الأد ده واحد كافح بجد وشقي فيكي واتهد لابيحلم بغني ولا مجد امله بس يعيش علي الأد وما يمدش ايده لحد وسلام عليكي يا مصر يا غنيه بعم نصر امله فيكي كبير واحلامه فيكي بتطير وولاده فيكي عصافير نفسها في الحريه تطير وتعدي من الأعاصير يا ام قلب كبير وكفايانا بقي طراطير سلام عليكي يا مصر وعليك العوض يا عم نصر سلام عليكي يا مصر ويرحمك يا عم نصر سلام عليك يا نصر والله يرحمك يامصر يا ريت اللى جرى ما كان
يا ريت اللى جرى ما كان
كنت عايش فى أمان دفا وحب وحنان أكل وأشرب و........... وفى يوم فكرت مراتى أيمان وقالتلى ليه مانكسبش كمان فكر كده يا ابو حنان دى الدنيا ملهاش أمان منين يا أم حنان ده أنا من الشغل للدكان وموفر حتى الدخان نبيع الدكان وشوية الدهب كمان ونطلع على عمان ويا ريت اللى جرى ما كان كفلنى واحد تعبان عايش طول عمره فى حرمان وغاوى ومدمن نسوان أديته وأدانى الأمان وغرقنى دهب ومرجان اتاريه عينه على أم حنان واللى كان كان خسارة يا زمان تاه فيك الانسان وبقى الواحد بتنجان ايه اللى جاى كمان يا ترى فات الاوان ولا آن الاوان يبقى الانسان انسان
سؤال
ليه بقينا علي دا الحال كل واحد بقي في موال اللي عايش حياته ترحال وسايب بيته وام العيال وبيجري ورا المال ايه زنب الأشبال يدوقه من الزمن الأهوال ويبقوا عبر للأجيال اصحي يا ابو العيال وسيبك من الترحال مش كل حاجه المال بكره ينصلح الحال ويبقي عال العال وانت يا ام العيال سيبك من مرات عبد العال وغيشي علي اد الحال مهما الحظ مال سبحانه مغير الأحوال خلاص شبعنا آزيه
خلاص بعت العربيه واستلفت الجلبيه وبكره هااطلق الوليه مبسوط يا بتاع الماليه شبعنا منك آزيه وعيشتنا بقت ملوخيه كوسه علي مهلبيه اهدا بقي وكفياك آزيه وسيبك من الشغله ديه ده الواحد محتاج حنية مش ناقصه لسه آسية لاعايز الوف ولا ميه تطلعو من الورطه ديه ده عايز جنية بنت جنية { الصفحه السابقه } { صفحه 1 من 2 } { الصفحه التاليه } |
معلوماتي معلوماتي الإدراجات السابقة قائمة الاصدقاء البوم صورك الخاصه
روابطاقسام المدونهاحدث الادراجاتياريتنى كنت حمارتعالى يا ابن سنيه وانت يا بنت بهيه احكيلكوا عن العيلة ديه تعالى يا ابن سنيه وانت يا بنت بهيه احكيلكوا عن العيله ديه علشانك انت {3} علشانك انت {2} قائمة الاصدقاء |
|||||||||||||||||||||||||||||||||||||||||||||||||
في رثائك يا بلادي
حكايه من الف حكايه
الطابور
سؤال
خلاص شبعنا آزيه